სანამ დანაზოგის გახსნის გადაწყვეტილებას მიიღებდეთ, გონივრული იქნება, თუ მოიძიებთ ყველა შესაძლო ალტერნატივას, შეადარებთ პირობებს, მათ შორის, მისაღებ სარგებელს და ამის საფუძველზე აირჩევთ საუკეთესო ალტერნატივას. 

ინფორმაციის მოსაძიებლად რამდენიმე მეთოდი არსებობს: 

• ესტუმროთ თქვენთვის საინტერესო ყველა სასინანსო ორგანიზაციას და ადგილზე დააზუსტოთ ყველა დეტალი;
• ისარგებლოთ დისტანციური არხებით - მაგალითად, ვებ-გვერდზე გაეცნოთ ინფორმაციას;
• გამოიყენოთ ფინანსური ორგანიზაციის სატელეფონო მომსახურების ცენტრი. 

რას უნდა მიაქციოთ ყურადღება სხვადასხვა შეთავაზების განხილვისას?

• დანაზოგის განთავსების ვადა;
• ნომინალური საპროცენტო განაკვეთი;
• ეფექტური საპროცენტო განაკვეთი;
• სარგებლის დარიცხვის მეთოდი და სარგებლის კაპიტალიზაციის პერიოდულობა.

იმ შემთხვევაში, თუ გადაწყვეტთ სს "მიკროსაფინანსო ორგანიზაცია მიკრო ბიზნეს კაპიტალში" ამა თუ იმ ფორმით თანხის განთავსებას, გთხოვთ გაეცნოთ ქვემოთ მოცემულ გაფრთხილების ტექსტს და გაითვალისწინოთ:

სს "მიკროსაფინანსო ორგანიზაცია მიკრო ბიზნეს კაპიტალი" არ არის ლიცენზირებული ბანკი და ბანკისგან განსხვავებით მასზე ვრცელდება მსუბუქი ზედამხედველობის რეჟიმი. მისი გაკოტრების შემთხვევაში, თქვენ შესაძლოა ვერ დაიბრუნოთ თქვენი თანხა.