ფულადი გზავნილი - ეს არის ფინანსური პროდუქტი, რომელიც შესაძლებლობას გაძლევთ სასურველი თანხა მესამე პირს საბანკო ანგარიშის გამოყენების გარეშე გაუგზავნოთ როგორც ქვეყნის შიგნით, ისე, პრაქტიკულად, მსოფლიოს ნებისმიერ წერტილში. დღესდღეობით, გამოიყენება ფულადი გზავნილების არაერთი  სისტემა. გზავნილს განხორცილებისას თითოეულ გზავნილს ენიჭება უნიკალური ნომერი - კოდი, რომელითაც ხდება მისი იდენტიფიცირება. 

გაითვალისწინეთ:

• გზავნილის კოდი და ინფორმაცია მხოლოდ მიმღებს მიაწოდეთ;
• ფულადი გზავნილის სისტემის არჩევისას უნდა დააზუსტოთ, ფუნქციონირებს თუ არა გზავნილის ეს კონკრეტული სისტემა იმ ქვეყანაში/ქალაქში, სადაც გსურთ თანხის გადაგზავნა;
• მნიშვნელოვანია დააზუსტოთ გზავნილის შესრულების დრო - რამდენად სწრაფად მიიღებს ადრესატი თქვენ მიერ გაგზავნილ თანხას.

ფულადი გზავნილის განხორცილება შესაძლებელია სხვადასხვა ვალუტაში, სხვადასხვა ქვეყნებსა და ქალაქებს შორის. ის, თუ რა პირობებით შეგიძლიათ ფულის გაგზავნა საჭიროა გზავნილის განმახორციელებელ ორგანიზაციასთან, კონკრეტული გზავნილის მიხედვით დააზუსტოთ. სასარგებლოა იმის ცოდნა, რომ საერთაშორისო სწრაფი ფულადი გზავნილით თანხის მიღება უფრო სწრაფადაა შესაძლებელი, ვიდრე ანგარიშზე საერთაშორისო სავალუტო გადარიცხვების განხორციელებით. ფულადი გზავნილის გაუქმება იმ შემთხვევაშია შესაძლებელი, თუ მიმღებს ის ჯერ არ გაუნაღდებია.