#აჩუქეწიგნი - 23 აპრილი წიგნის საერთაშორისო დღეა.
კამპანიას "ემბისი"-ს თანამშრომლებიც შეუერთდნენ და ერთმანეთში წიგნები გაცვალეს.
ამას გარდა, კომპანიამ ტრადიციული სამახსოვრო წარწერით - "სიყვარულით MBC" - წიგნები იმ თანამშრომლებს გადასცა, ვისაც "ემბისი"-ში 5 წელზე მეტი ხნის მუშაობის სტაჟი აღმოაჩნდა.
ინიციატივის მიზანი წიგნებისა და წიგნიერების პოპულარიზაციაა გახლავთ.
წიგნის საერთაშორისო დღეს საფუძველი 1923 წელს კატალონიაში ჩაეყარა. მიგელ დე სერვანტესის გარდაცვალების დღეს, 23 აპრილს, მამაკაცები ქალებს ვარდებს ჩუქნიდნენ - ქალები კი მათ რჩეულ მამაკაცებს წიგნებით ასაჩუქრებდნენ.
1995 წელს, იუნესკომ 23 აპრილი ოფიციალურად გამოაცხადა წიგნისა და საავტორო უფლებების მსოფლიო დღედ და ამით, პირველ რიგში, ახალგაზრდებს მოუწოდა, რაც შეიძლება მეტი ეკითხათ.
